හරි දළදා මාලිගාව ඉස්සරහ ගජරාමෙට එදඩිතරකන් පාන අමුතු හැදෙකින් එකතු උන පත්තිරිප්පුවේ කතාව ඔන්න එහෙනම් අහගන්ඩකෝ. ව්‍යාකරණ සහිත පුරාජේරු මාතෘකාවෙන් කියුවොත් "උනම්බුවේ දිසාවගේ කෙහෙල්පත්තෙන් උපන් පත්තරිප්පුව " .
ඉස්සරෝම ඉතිහාසේ
මේ වැඩේ කරන්න අදහසක් එන්නේ ශ්‍රී ලංකාවේ අන්තිම රජතුමා,ඒ කියන්නේ නායක්කර් වංශික ශ්‍රී වික්‍රම රාජසිංහ රජතුමාට, ඒ ක්‍රි.ව.1802 දී .ඒ තමයි මාලිගාව ඉස්සරහින් ජනතාව අමතන්න මොකක් හරි විශේෂ මණ්ඩපයක් හදන්න ඕනේ කියන එක. කොහොමෙන් කොහොම හරි රාජසභාව කැදවලා රජතුමා මේ අදහස කියනවා.මේ වැඩේට හොද සැලසුමකුත් අරන් එන්න කියලත් කියනවා.ඉතින් මෙහෙම ගෙනාපු ආදර්ශන වලින් "උනම්බුවේ දිසාව " ගෙනාව කෙහෙල්පතුවලින් හදපු ආකෘතිය තෝරාගෙන හදන්න ඔහුටම භාරදීලා තියෙන්නේ .කොයිම වුනත් රාජසභාවේ ඕනිම කෙනෙක් දන්නවලු උනම්බුවේ දිසාව ඕනෙම වැඩකට දක්ෂයෙක් කියලා.ඉතින් වැඩේ බාරගත්ත උනම්බුවේ දිසාව "දේවේන්ද්‍ර අචාරියා " එක්ක එකතු වෙලා වැඩේ ඉවරකරලා තියනවා ... එදා ඉදන් අද වෙනකන් හෙළයන්ගේ මුදුන්මල්කඩ වෙච්චි ශ්‍රී දළදා මාලිගාවේ ඉස්සරහා හරි උජාරුවට මේ පත්තිරිප්පුව වජබෙනවා.මෑතක් වෙනකන් ශ්‍රී ලාංකීය රජ පරම්පරාව දිවුරුන් දීපු,ජාතිය අමතා කතාකරපු තැන තමයි පත්තිරිප්පුව කියන්නේ.1998 වෙච්ච බෝම්බ ප්‍රහාරයෙන් පස්සේ රත්තරන් ආලේප කරපු කොත දැන් පත්තිරිප්පුව ඇතුලේ ප්‍රදර්ශනයට තියලා තියනවා .. ඒ වගේම "දලදාවතුර "ඇතිවෙන්න වහින වෙලාවේ පිරිත් කියන්න ගත්තු එක තැනකුත් තමා පත්තිරිප්පුව කියන්නේ. තව එකක් "ජනමතයක් තියනවා රාජ මහාමාත්‍යාදීන්ගේ නෝනාවරුන් මෙතනට ගෙනියන්න හොද නෑ අහිතක් මයි වෙන්නේ "කියලත්.
කවුද මේ උනම්බුවේ දිසාව ?
උනම්බුවේ දිසාව ගැන නම් ලොකුවට කියන්න විස්තරයක් දැනගත්තේ නා,උන්වහන්සේත් ජනප්‍රවාද වලින් ගුරු පරම්පරාවෙන් දන්නා එක කතාවක් කිවුවා. එක තමා උනම්බුවේ පරම්පරාව පැවත එන්නේ උඩ පලාතෙ උපනම්බුව ප්‍රදේශයේන් කියන එක .හැබැයි මේ පරම්පරාව ලංකාවේ ය නෙවේ උතුරු ඉන්දීය ක්ෂත්‍රියයෝ , 12-13 වෙනි සියවසේ ලංකාවට ආවා කියලා මතයක් තියෙන්නේ. "උනම්බුවේ දිසාව" කියන්නේ සෙල්ලම් නිරිදුගේ,ඒ කියන්නේ සිංහලේ අන්තිම රජතුමා වෙච්ච ශ්‍රී වීර පරාක්‍රම නරේන්ද්‍රසිංහ රජතුමාගේ අන්තත්පුරේ හිටිය උනම්බුව පරම්පරාවේ දේවියට දාව උපන් පුත්කුමරයෙක් කියලා සදහන් වෙනවා.කොහොමෙන් කොහොමෙන් හරි අගබිසව නායක්කර් වුන හින්ද කුමත්රනෙකින් රාජාධි රාජසිංහට බලය ලැබුනලු. මේ පුත් කුමාරය පස්සේ ශ්‍රී වික්‍රම රාජසිංහගේ මැතිසබේ දිසාවක් හැටියට වැඩ කරා කියලා තමා කියවෙන්නේ.ජිවිතේ අන්තිම කාලේ ශරීරයේ දිසාවක් පන නැතිවෙලා මරණයට පත්වුණා කියලා ජනප්‍රවාද වල කියවෙනවලු.
දේවේන්ද්‍ර ආචාරියා
දේවේන්ද්‍ර ආචාරියා ,නැත්තන් දේවේන්ද්‍ර මුලචරියා ,මොහුගේ උපන් ගම වෙන්නේ ජනප්‍රවාද වල හැටියට මාතලේ.හැබැයි පොඩි කළෙම මොහු ඇවිල්ල තියනවා කොත්මලේට.කොත්මලේ ඉතිහාසය ගත්තොත් අනුරාධපුරේට යනකන් කියන්න පුළුවන්.සංදිස්ථානයක් හැටියට ගැමුණු කුමාරයා හැංගිලා හිටියා කියන්නෙත් මේ කොත්මලේ .කොත්මලේ ගණිතයා ඒ කාලේ වගේම මේ දේවේන්ද්‍ර කියන ආචාරියාගේ කාලෙත් ඉදලා තියනවා .සමහරෙක් කියන විදියට කොත්මලේ ගනිතයෝන්ගෙන් එක්කෙනක් තමයි මේ දේවේන්ද්‍ර මුලාචරියා කියන්නේ. කොහොම උනත් අෂ්ටශ්‍රයක් වෙච්ච පත්තිරිප්පුව හදන්න ගණිතය පිළබද හසල දැනුමක් තියෙන්න ඕනේ පුද්ගලයෙක් වෙන්න ඕනේ හින්ද අපිට එක අතකට හිතන්න පුළුවන් ඒ කතාව ඇත්ත වෙන්නත් ඇති කියලා .කොහොම උනත් මේ අචාරියාට හන්දෙස්සෙන් ගම්වරයක් ලැබිල ජිවිතේ අග භාගය දිවිනසාගනිමකින් හන්දෙස්සේදී කෙලවර වෙලා තියනවා කියලා ජනප්‍රවාද වල සදහන් වෙනවා .
දැන් පත්තිරිප්පුව
දැන් පත්තිරිප්පුව ගැන විස්තරයක් කියනවනම්, දැනට මෙහි තැන්පත් කරලා තියෙන්නේ පුස්කොලපොත්,ත්‍රිපිටකයට අදාල පැරණි පොත් ,ඒ වගේම දේශ දේශාන්තර වලින් මාලිගාවට පුජ කරපු පුජාභාණ්ඩ ඒ වගේම පත්ත්රිප්පුවේ කොත .මැණික් ඔබ්බවූ පිළිමවහන්සේලා වගේ වටිනාකියන දේවල් .ඒ වගේම මේ පත්තිරිප්පුවේ පහල මාලයට ඇතුල් වෙන්නත් පුළුවන්ලු,විශේෂ අවසරයකින් .පැරණි මාලිගාවේ මුළුතැන්ගෙය තිබ්බ තැනලු පත්තිරිප්පුව හදලා තියෙන්නෙත්.
කොහොම උනත් මාලිගාවට මෙකි නොකී අලංකාරයක් එකතු කරන,ලෝක උරුමයේ කොටහක් වෙන පත්ත්රිප්පුව අදට වගේම අපේ අනාගත පරම්පරාවට ඉතුරු කරගන්න එක අපි හැමෝගෙම මහගු කාර්යභාරයක් ...
මතු පරපුර උදෙසා මේ සංස්කෘතික පුරාවිද්‍යාත්මක වටිනාකමක් ඇති පුජාභුමින් රැකගැනීම ඔබෙත් මගෙත් යුතුකමක් වනු ඇත.
# ඇවිදින්න .....සුරකින්න.... මේ ඔබෙත් මගෙත් උරුමයයි.... #
Good job��
ReplyDeletethankuu <3
Deletesuper....
ReplyDeletethank you vry much
Delete